Liderlik cəsarəti

Cəsarətin mənası və insanların onu necə qavraması, xüsusilə də biznes liderləri kontekstində olduqca qeyri-müəyyəndir. Bu anlayışın arxasında bəzən bilinməyən gözləntilər, şəxsi qorxular və fərdi təcrübələr dayanır. Ən böyük suallardan biri isə budur: görəsən, cəsarətin öyrənilməsi və inkişaf etdirilməsi mümkündürmü?

Proqramımız liderlik cəsarətinə inkişaf etdirilə bilən bir bacarıq kimi yanaşır. Cəsarət sadə və təkölçülü bir kompetensiya deyil – onun mürəkkəbliyi Liderlik Cəsarəti Axtaqonu© modelimizdə aydın şəkildə təsvir olunub. Bu model, bir tərəfdən liderlik cəsarətinin hansı sahələrdə özünü göstərə biləcəyini vizuallaşdırır, digər tərəfdən isə şəxsi özünüqiymətləndirmə üçün olduqca faydalı və praktik bir alət kimi çıxış edir.

Təlim liderlik cəsarəti anlayışının dərin və aydın şəkildə izah olunması ilə başlayır. Bu yanaşma iştirakçılara cəsarətin əsl mənasını dərk etməkdə ipucları verir və onların öz qorxuları ilə üzləşməsi və onlarla baş etməsi üçün dəstək olur. Proqram zamanı iştirakçılar liderin fəaliyyətində cəsarətin təzahür edə biləcəyi 8 əsas sahənin fərqinə varırlar, eyni zamanda şirkətdə psixoloji təhlükəsizliyin rolu və əhəmiyyəti ilə tanış olurlar. Praktik baxımdan isə, proqram çərçivəsində şirkətin liderləri təşkilatda cəsarət mədəniyyətinin formalaşdırılması istiqamətində ilk addımlarını atmış olurlar.

Təlimin məqsədləri

• qorxular və cəsarət mövzusunda özünü dərk etmə səviyyəsinin artırılması
• liderlik cəsarətinin təzahür edə biləcəyi sahələrin və gücləndirilməsi lazım olan məqamların müəyyənləşdirilməsi
• öz şöbəsindəki vəziyyətin cəsarət baxımından qiymətləndirilməsi
• iş yerində psixoloji təhlükəsizliyin əhəmiyyətinin dərk olunması və onun qurulması üçün texnikaların öyrənilməsi
• təşkilatda cəsarət mədəniyyətinin formalaşdırılması üçün atılmalı olan addımların müəyyənləşdirilməsi və başqalarında da cəsarətin inkişaf etdirilməsinin təşviq olunması
• tipik olaraq çətin olan liderlik situasiyalarına davamlı və şüurlu şəkildə reaksiya verilməsi

Mövzular

• cəsarət anlayışının, xüsusilə liderlik cəsarətinin şərh olunması
• komfort zonasının nəzəriyyəsi və onun cəsarətin inkişafındakı rolu
• liderlik cəsarəti oktaqonu – liderlikdə cəsarətin 8 əsas sahəsinin öyrənilməsi
• qorxuların idarə olunması
• liderlik cəsarəti oktaqonu vasitəsilə özünü dərk etmə səviyyəsinin artırılması
• iş yerində və başqalarında cəsarətin gücləndirilməsində psixoloji təhlükəsizliyin rolu və əhəmiyyəti
• cəsarət mədəniyyətinin əsas elementlərinin, qurulması üçün alət və texnikaların öyrənilməsi
• fərdi və komanda inkişafı üçün fəaliyyət planının hazırlanması