Maraqlıdır ?
Ətraflı danışaq və
sizin üçün doğru həlli quraq
- Services
-
-
-
Contact Us
- Yanaşma və Düşüncə Tərzi
- Liderlik və İdarəetmə
- Müştəri Xidməti, Satış və Danışıqların aparılması
- Şəxsi Produktivlik və Kommunikasiya
- Teambuilding & Əməkdaşlıq
- Qiymətləndirmə və Diaqnostika
- HR Konsaltinq & Kouçinq
- All services
Kimin üçündür ?
Hər səviyyə üzrə rəhbərlər üçün
İştirakçı sayı
8 - 12
Müddəti
1 gün
Bağlılıq müsahibəsi rəhbərlə əməkdaş arasında ildə bir və ya iki dəfə keçirilən strukturlaşdırılmış fərdi görüşdür. Bu, işçinin təşkilatda qalmasını və motivasiyasını artıran amilləri müəyyən etmək və gücləndirmək məqsədilə aparılan ikitərəfli, səmimi və dərin bir dialoqdur.
Bu proaktiv müsahibə metodu sayəsində əməkdaşlar özlərinin dəyərli olduğunu hiss edir və rəhbərlə daha açıq, güvənə əsaslanan münasibət formalaşır. Bu isə komanda atmosferinə müsbət təsir göstərir, işçi dövriyyəsinin azalmasına və bağlılıq səviyyəsinin artmasına səbəb olur. Bu kimi vacib mövzularda açıq ünsiyyətin qurulması, ortaya çıxan məsələlər üzrə hər iki tərəf üçün faydalı olan (win-win) həll yollarını tapmağa imkan verir.
Təlim zamanı prosesin və əsas prinsiplərin izahı ilə yanaşı, düzgün qurulmuş bağlılıq müsahibəsinin hər mərhələsi ətraflı şəkildə öyrəniləcək və praktika olunacaq. Rəhbərləri istiqamətləndirəcək məzmunlu və nəticəyönümlü söhbətləri qurmaq üçün ardıcıl suallar seriyası təqdim ediləcək və bu suallar onların ehtiyaclarına uyğunlaşdırılacaq. Bu yanaşma rəhbərlərə çətin əməkdaşlarla belə bağlılıq müsahibələrini peşəkar şəkildə aparmaq üçün sabit, lakin çevik bir baza təqdim edəcək – o cümlədən emosional boşalmaların və ya neqativ geribildirimlərin gözlənildiyi hallarda belə. Bağlılıq müsahibəsi təşkilatın kompleks bağlılıq strategiyasının ayrılmaz hissəsi olmalıdır və əmək bazarındakı aktual meqatrendlərə cavab olaraq tətbiq edilməlidir.
Təlimin məqsədləri
- Əməkdaşlarla dərin və səmimi söhbətlər apararaq onların motivasiyasını artıran əsas amilləri müəyyənləşdirmək və gücləndirmək, eyni zamanda təşkilatdan ayrılma riskini yaradan mümkün səbəbləri vaxtında aşkarlamaq.
Mövzular
- bağlılıq müsahibəsinin əhəmiyyəti və ümumi dəyərləndirmə sistemində rolu və yeri
- görüşün təşkil olunması prosesi və əsas prinsipləri
- prosesə ümumi baxış və onun rəhbər və təşkilat üçün faydaları
- bağlılıq müsahibəsinin 6 mərhələsinin detallı izahı
- faydalı sualların və dialoq skriptlərinin hazırlanması
- müsahibə bacarığının inkişafı üçün müxtəlif tipli əməkdaşlarla praktika və geribildirim əldə edilməsi
- çətin situasiyaların və neqativ geribildirimin idarə olunması
- müsahibədən sonra atılacaq addımlar və izləmə prosesi