Müasir, sürətlə dəyişən biznes mühitində Ətraf Mühit, Sosial və İdarəetmə (ESG) amilləri artıq ən vacib prioritetə çevrilib. Maraqlı tərəflər (o cümlədən investorlar, müştərilər və əməkdaşlar) davamlı və etik fəaliyyətə real sadiqlik nümayiş etdirən şirkətlərə getdikcə daha çox üstünlük verirlər.

Qısaca:

• ESG; maraqlı tərəflərin, tənzimləyici qurumların və bazarın dəyişən tələblərinə cavab vermək üçün yeni səriştələr, inklüziv liderlik və işçilərin rifahı (well-being) strategiyaları tələb etməklə HR və L&D sahələrini kökündən dəyişir.
• Şirkətlər ESG-nin biznesə inteqrasiyası zamanı təcrübə çatışmazlığı, məlumatların idarə edilməsi problemləri və “greenwashing” (saxta ekoloji imic) riskləri ilə üzləşirlər ki, bu da strateji təlimlər və düşüncə tərzi dəyişikliyi tələb edir.
• DEVELOR-un ESG Təlim Portfeli davamlılığı korporativ mədəniyyətə və strategiyaya daxil etmək üçün təcrübəyə əsaslanan öyrənmə, davranış dəyişikliyi və liderliyin inkişafı vasitəsilə təşkilatları gücləndirir.

Qeyd etmək yerinə düşər ki, son onillikdə ESG fəaliyyətlərinə yanaşma o dərəcədə dəyişib ki, artıq sadəcə bu mövzuya sadiq olduğunu bəyan etmək kifayət deyil. İndi məsuliyyətli bizneslər faktlara və sübutlara əsaslanan təcrübələrə, eləcə də şəffaf hesabatlılığa doğru addımlayırlar.

ESG – bir şirkətə və ya biznesə edilən investisiyanın ətraf mühitə, davamlılığa və cəmiyyətə olan təsirini ölçən üç əsas amili (ətraf mühit, sosial və idarəetmə) ifadə edir. Bu termin 2000-ci illərin əvvəllərində geniş yayılsa da, kökləri investorların maliyyə gəlirləri ilə yanaşı etik nəticələri də nəzərə almağa başladığı 1960 və 1970-ci illərin sosial məsuliyyətli investisiya təcrübələrinə gedib çıxır. Onilliklər ərzində ESG dar bir investisiya meyarından çıxaraq siyasi, biznes, Beynəlxalq Maliyyə İnstitutları (BMİ) və istehlakçı sahələrində qərar qəbul etmə proseslərinə təsir edən əsas tendensiyaya çevrilmişdir.

Nə üçün ESG vacibdir?

Güclü ESG performansı təkcə planet üçün deyil, həm də biznes üçün faydalıdır.

ESG (Ətraf Mühit, Sosial və İdarəetmə) artıq sadəcə dəbdə olan bir ifadə deyil — o, biznes strategiyasının və fəaliyyətinin əsas hərəkətverici qüvvəsidir. ESG prinsiplərini mənimsəyən şirkətlər riskləri idarə etmək, investisiyaları cəlb etmək, eləcə də müştərilər və əməkdaşlarla daha güclü münasibətlər qurmaq üçün daha əlverişli mövqedə olurlar.

ESG-yə yönələn diqqətin getdikcə artması üç əsas hərəkətverici qüvvə tərəfindən formalaşır:

• Tənzimləmələr (Qanunvericilik)
• İnvestor tələbləri
• Cəmiyyətin gözləntiləri

1. Tənzimləyici qurumların (Qanunvericiliyin) təsiri

Hökumətlər və tənzimləyici orqanlar ESG tələblərini getdikcə daha da sərtləşdirirlər. Avropa İttifaqının Korporativ Davamlılıq Hesabatı Direktivi (CSRD) və ABŞ-ın Qiymətli Kağızlar və Birja Komissiyasının (SEC) iqlim dəyişikliyi ilə bağlı hesabatlılıq qaydaları kimi tənzimləmələr şirkətləri ətraf mühitə və cəmiyyətə olan təsirləri barədə daha şəffaf məlumat verməyə məcbur edir. Bu qaydalara əməl etməmək cərimələr, hüquqi problemlər və reputasiya itkisi ilə nəticələnə bilər. Strategiyalarını bu qaydalara uyğunlaşdıran bizneslər isə nəinki cərimələrdən qaçır, həm də bazarda rəqabət üstünlüyü qazanırlar.

ESG qaydalarına ciddi əməl etmək sadəcə qanunlara tabe olmaq demək deyil — bu, həm də dəyişiklikləri qabaqlamaq və gələcəyə hazır olmaqdır.

2. İnvestorların təsiri

İnvestorlar artıq öz vəsaitlərini dəyərlərinə uyğun gələn sahələrə yönəldirlər. BlackRock və Vanguard kimi nəhəng aktiv idarəçiləri ESG amillərini öz investisiya strategiyalarının əsas hissəsinə çeviriblər. Güclü ESG göstəriciləri olan şirkətlər daha çox kapital cəlb edir, daha yüksək bazar dəyəri qazanır və daha aşağı faizlərlə borclanma imkanlarından yararlanırlar. İnvestorlar artıq karbon qazı tullantılarının azaldılması, müxtəliflik və etik idarəetmə kimi məsələlərdə ölçülə bilən real nəticələr tələb edirlər.

Uğurlu ESG təcrübələri təkcə investisiya cəlb etmir — onlar həm də maliyyə artımını stimullaşdırır.

3. Cəmiyyətin təsiri

İstehlakçılar, işçilər və daha geniş maraqlı tərəflər qrupu artıq bizneslərdən daha çox şey gözləyirlər. Millennial və Gen Z nəslinin 75%-dən çoxu güclü ESG öhdəlikləri olan şirkətlərdən alış-veriş etməyə və ya onlarda işləməyə üstünlük verdiklərini bildirirlər. Müxtəliflik, insan hüquqları, sağlamlıq və təhlükəsizlik, etik tədarük zənciri və iqlim dəyişikliyi ilə mübarizə kimi sosial məsələlər artıq brend reputasiyasının və müştəri sadiqliyinin mərkəzində dayanır. Bu gözləntiləri qarşılaya bilməyən şirkətlər bazar payını itirmək və brendlərinə zərər vurmaq riski ilə üzləşirlər.

ESG sadəcə qaydalara əməl etmək deyil — bu, etibar və müştəri sadiqliyi qazanmaq deməkdir.

HR və L&D-nin ESG Sahəsindəki Rolu: Rəsmi Öhdəliklərdən Kənara Çıxaraq Dəyişikliyi İdarə Etmək

Hətta ESG prinsipləri təşkilati səviyyədə hələ tam tətbiq olunmadıqda belə, İnsan Resursları (HR) və Öyrənmə və İnkişaf (L&D) funksiyaları artıq qlobal səviyyədə ətraf mühit, sosial və idarəetmə məsələlərinə yönələn diqqətin təsirini hiss edirlər. Qanunvericilikdəki dəyişikliklər, maraqlı tərəflərin gözləntiləri, investorların nəzarəti və işçilərin tələbləri HR və L&D-nin fəaliyyət göstərdiyi mühiti yenidən formalaşdırır. Bu isə ESG sahəsində məlumatlılığı və səriştələrin artırılmasını mühüm ehtiyaca çevirir.

Nə üçün ESG HR və L&D üçün vacibdir?

HR və L&D komandaları mədəniyyət transfomasiyasının ön cəbhəsində yer alırlar. Şirkətin ESG-ni rəsmi olaraq strateji hədəf kimi qəbul edib-etməməsindən asılı olmayaraq, bu departamentlərdən getdikcə daha çox aşağıdakılar tələb olunur:

• Müxtəlif, ədalətli və inklüziv iş mühitini dəstəkləmək.
• Psixoloji təhlükəsizlik və rifahı (well-being) fundamental biznes dəyərləri kimi təşviq etmək.
• İşçilərin etik liderlik və sosial məsuliyyət ilə bağlı gözləntilərinə cavab vermək.
• İstedadları davamlılıqla bağlı biznes dəyişikliklərinə (məsələn, rəqəmsallaşma, dekarbonizasiya və uzaqdan iş mədəniyyəti) hazırlamaq.

Bu kontekstdə, ESG ilə bağlı qlobal və yerli inkişaf meylləri şirkətin rəsmi ESG hədəflərinin olub-olmamasından asılı olmayaraq — istedad strategiyalarına, işçilərin bağlılığına, təşkilati öyrənməyə və işəgötürən brendinə (employer branding) təsir edən xarici qüvvə rolunu oynayır.

HR və L&D üçün yaranan imkanlar

ESG həm bir çağırış, həm də HR və L&D komandaları üçün bir liderlik imkanıdır. Şirkət miqyasında rəsmi bir ESG siyasəti olmasa belə, bu departamentlər aşağıdakı addımlarla prosesi ilk mənimsəyən və daxili təsir göstərən qüvvəyə çevrilə bilərlər:

• ESG prinsipləri ətrafında baza məlumatlılığı formalaşdırmaq.
• Müvafiq ESG standartlarını əks etdirmək və onları HR siyasətinə inteqrasiya etmək.
• İşəqəbul, adaptasiya (onboarding) və gündəlik iş təcrübələrində ESG mədəniyyətinin inkişafını təşviq edən proseslərin qurulmasına nail olmaq.
• Psixoloji təhlükəsizlik, inklüziv liderlik və davamlılıq savadlılığı üzrə təlimlərin keçirilməsini müdafiə etmək.
• Öyrənmə prosesini təşkilatı xarici reallıqlara və işçilərin gözləntilərinə uyğunlaşdıran bir dəyişiklik rıçaqı kimi istifadə etmək.

ESG-nin Gələcəyi: 5 Əsas Trend və Bu Konseptin Qalıcı Olmasının Səbəbləri

İdarəetmə mütəxəssisləri daim dəyişən ESG mühitində yol tapmağa çalışdıqca, strateji qərarların qəbulu heç vaxt indiki qədər mürəkkəb olmamışdır. Hər bir şirkət üçün universal bir model mövcud olmasa da, yanaşmalar sənayedən, hədəflərdən və maraqlı tərəflərin gözləntilərindən asılı olaraq dəyişir. Bununla belə, bəzi qlobal trendlər ESG-nin gələcəyini kökündən formalaşdırır. Siyasi və hüquqi qeyri-müəyyənliklərə baxmayaraq; bazar qüvvələri, investor gözləntiləri və uzunmüddətli davamlılıq riskləri ESG-ni biznes dünyasının ən kritik məsələsi olaraq saxlamağa davam edəcək.

1. Dərinləşən regional fərqlər: ESG sahəsində lider olanlar ilə bu konsepsiyaya şübhə ilə yanaşanlar arasındakı uçurum getdikcə böyüyür. Avropa və Asiya yeni tənzimləmələrlə ambisiyalı ESG proqramlarını irəli aparmağa davam etdiyi halda, ABŞ-dakı və bəzi inkişaf etməkdə olan bazarlardakı siyasi müqavimət bu prosesi ləngidir. Bu fərqlilik transmilli şirkətlər üçün böyük bir çağırış yaradır: onlar iki tamamilə fərqli hüquqi və siyasi mühitə uyğunlaşmalı olurlar. Lakin ESG-ni tamamilə görməzdən gəlmək seçim deyil, çünki müxtəlif regionlarda fəaliyyət göstərən şirkətlər hələ də daha sərt qlobal standartlara əməl etmək məcburiyyətindədirlər.
2. ESG sahəsində ixtisaslaşma (Upskilling) ehtiyacı: Hesabatlılıq tələbləri mürəkkəbləşdikcə, şirkətlər (xüsusilə Avropa və Asiyada) həm idarə heyəti, həm də rəhbər şəxslər səviyyəsində xüsusi ESG ekspertizasına ehtiyac olduğunu getdikcə daha çox dərk edirlər. Bu templə ayaqlaşmaq üçün ESG yönümlü təlim və təhsil strateji prioritetə çevriləcək. Hətta ESG-yə qarşı müqavimətin olduğu bazarlarda belə investorların, maliyyə institutlarının və tədarük zənciri tərəfdaşlarının şəffaflıq tələbləri ESG savadlılığına olan ehtiyacı stimullaşdırmağa davam edəcək.
3. Texnologiya əsas hərəkətverici qüvvə kimi: Süni İntellekt (AI) və blokçeyn texnologiyaları real vaxt rejimində tədarük zəncirinin monitorinqini və avtomatlaşdırılmış davamlılıq auditlərini mümkün etməklə ESG hesabatlılığında inqilab etməyə hazırlaşır. Rəqəmsal həllər ESG qaydalarına uyğunluğu daha səmərəli və şəffaf etməkdə mühüm rol oynayacaq. Bu texnoloji keçid ESG-nin sadəcə müvəqqəti bir trend deyil, bizneslərin davamlılıq performansını ölçmək və ötürmək üsulunda struktur dəyişikliyi olduğunun göstəricisidir.
4. ABŞ-da “Greenhushing” trendinin yüksəlişi: ABŞ-da ESG-yə yönələn siyasi təzyiqlərin artması ilə bir çox Amerika şirkəti daha səssiz bir yanaşma nümayiş etdirir. Onlar kənar reaksiyalardan qaçmaq üçün ictimai müzakirələri minimuma endirərək davamlılıq səylərini arxa planda idarə edirlər. “Greenhushing” (ekoloji fəaliyyətləri gizlətmə/səssiz saxlama) kimi tanınan bu trend, korporativ ESG öhdəlikləri ilə siyasi reallıqlar arasındakı artan gərginliyi əks etdirir. Buna baxmayaraq, şirkətlərin ESG-dən tamamilə imtina etməsi real görünmür, çünki onlar hələ də investorlar, istehlakçılar və qlobal bazarın gözləntiləri tərəfindən təzyiqlərlə üzləşirlər.
5. Korporativ aktivizmin artması: ESG ətrafındakı qütbləşmə, xüsusilə investorlar tərəfindən daha böyük aktivizmə yol açacaq. Səhmdarların və ictimaiyyətin təzyiqi gücləndikcə, idarə heyətləri öz korporativ strategiyalarına qarşı arta biləcək tənqidlərə və çağırışlara hazır olmalıdırlar. Şirkətlər ESG-ni aktiv şəkildə qəbul etsələr də, yaxud onun görünürlüyünü minimuma endirməyə çalışsalar da, dayanıqlı biznes təcrübələrini tələb edən maliyyə bazarları, istehlakçılar və ictimai qruplar qarşısında hesabatlılıqdan yayına bilməyəcəklər.

ESG-nin Biznesə İnteqrasiyası Zamanı Qarşıya Çıxan Problemlər

Ətraf Mühit, Sosial və İdarəetmə (ESG) prinsiplərinin biznes strategiyalarına inteqrasiya edilməsi, effektiv və mənalı nəticələr əldə etmək istəyən təşkilatlar üçün bir sıra ciddi çağırışlar yaradır.

Bu sahədə qarşıya çıxan əsas problemlər aşağıdakılardır:

1. İnsan kapitalının çatışmazlığı: ESG tətbiqindəki ən böyük maneələrdən biri ESG prinsipləri, hüquqi tələblər və sahə üzrə qabaqcıl təcrübələr barədə dərin biliyə malik mütəxəssislərin azlığıdır. Sahə üzrə mütəxəssis tələbi mövcud təklifi üstələyir. Düzgün kadrlara sahib olmayan şirkətlər uğursuz inteqrasiya, uyğunluq problemləri və dəyər yaratmaq imkanlarının itirilməsi riskləri ilə üzləşirlər.
2. Məlumatlılıq və anlayışın qeyri-kafi olması: Bir çox təşkilat ESG prinsiplərini və onların sadəcə qanuni məcburiyyətdən kənara çıxan strateji əhəmiyyətini tam başa düşməkdə çətinlik çəkir. Resurs və təcrübə azlığından qaynaqlanan bu boşluq effektiv ESG strategiyalarının qurulmasına mane olur.
3. Dəyişikliyə qarşı müqavimət: ESG təşəbbüslərinin tətbiqi çox vaxt ciddi struktur və mədəniyyət transformasiyası tələb edir. Bu isə qısamüddətli maliyyə təsirlərindən narahat olan tərəflərin müqavimətinə səbəb ola bilər. Müqavimət, xüsusilə köklü və ənənəvi təcrübələrə sahib olan sektorlarda daha qabarıq görünür.
4. Departamentlər arası qeyri-bərabər tətbiq: Strukturlaşdırılmış və vahid yanaşma olmadıqda, ESG siyasətləri müxtəlif departamentlər tərəfindən fərqli şəkildə tətbiq oluna bilər. Aydın korporativ təlimatların və koordinasiyanın olmaması pərakəndəliyə gətirib çıxarır və ümumi səmərəliliyi azaldır.
5. “Greenwashing” (Saxta ekoloji imic) riskləri: Səthi və ya çaşdırıcı ESG cəhdləri (“greenwashing”) təşkilatın etibarlılığına ciddi zərbə vura və maraqlı tərəflərin inamını sarsıda bilər. Hesabatlılıqdakı şəffaflıq və standartlaşdırma əskikliyi şirkətin davamlılıq iddialarının real olub-olmadığını qiymətləndirməyi çətinləşdirir.
6. Mürəkkəb hüquqi mühitdə yol tapmaq: ESG ilə bağlı qanunvericilik və tənzimləmələr sürətlə dəyişir. Bu qaydalara uyğunluğu təmin etmək üçün yeni qanun və standartların davamlı monitorinqi və onlara adaptasiya tələb olunur ki, bu da böyük resurslar hesabına başa gəlir.
7. Məlumatların toplanması və idarə edilməsi: Effektiv ESG idarəetməsi güclü məlumat toplama sistemləri tələb edir. Təşkilatlar çox vaxt düzgün qərar qəbul etmək və hesabat vermək üçün zəruri olan dəqiq və əhatəli ESG məlumatlarını əldə etməkdə çətinlik çəkirlər.
8. Qısamüddətli xərclər və uzunmüddətli faydalar arasında balans: ESG təşəbbüslərinə investisiya qoymaq ilkin mərhələdə yüksək xərclər tələb edə bilər, halbuki reputasiyanın güclənməsi və əməliyyat səmərəliliyi kimi faydalar özünü uzunmüddətli dövrdə büruzə verir. Bu fərq, dərhal maliyyə qazancı gözləyən tərəfdaşlar qarşısında ESG xərclərinə bəraət qazandırmağı çətinləşdirir.

Həlli Yolu: Bu çağırışların öhdəsindən gəlmək kompleks yanaşma tələb edir. Bura maraqlı tərəflərin ESG-nin dəyəri barədə maarifləndirilməsi, dəyişikliyə açıq mədəniyyətin formalaşdırılması, siyasətlərin vahid şəkildə tətbiqi, “greenwashing”dən qaçmaq üçün şəffaflığın artırılması, məlumatların idarə edilməsinin təkmilləşdirilməsi və ESG təşəbbüslərinin şirkətin həm qısamüddətli, həm də uzunmüddətli hədəfləri ilə uyğunlaşdırılması daxildir.

DEVELOR-un ESG Təlim Portfeli Bu Problemləri Necə Həll Edir?

DEVELOR-da biz təlimləri daha təsirli və yaddaqalan etmək üçün iştirakçıların motivasiyasını artıran, oyunlaşdırılmış (gamified) elementlərlə zəngin öyrənmə mühiti yaradırıq. Bizim yanaşmamız tamamilə praktiki və təcrübəyə əsaslanır; simulyasiyalar və interaktiv tapşırıqlar sayəsində iştirakçılar mövzunu sadəcə nəzəri olaraq anlamaqla qalmır, onu real olaraq hiss edir və yaşayırlar.

Biz inanırıq ki, davranış dəyişikliyi mövzunun mahiyyətini dərk etməklə başlayır. Ən güclü motivasiya bir məsələnin arxasındakı “niyə” sualına cavab tapdıqda yaranır. Məhz buna görə də ESG Təlim Portfelimizdəki proqramlar iştirakçılara ESG-nin daha dərin məqsədini, onun əhəmiyyətini və təsirini göstərmək üçün hazırlanıb. Biz yalnız texniki biliklərə fokuslanmaq əvəzinə, düşüncə tərzinin dəyişməsinə (mindset shift) üstünlük veririk; bu isə fərdlərə davamlılığı həm şəxsi, həm də peşəkar həyatlarında mənimsəməyə kömək edir.

Missiyamız real və müsbət dəyişiklik yaratmaqdır. Unikal yanaşmamız vasitəsilə iştirakçılarla daha dərindən bağ qurmağa, onlara davamlılığın əsaslarını, kökündə dayanan səbəbləri və daha geniş təsirlərini kəşf etməyə kömək edirik.

Öyrənmə və inkişaf (L&D) sahəsindəki 30 illik təcrübəmizlə biz mürəkkəb, elmi və olduqca spesifik mövzuları maraqlı, anlaşılan və tətbiqi mümkün olan öyrənmə təcrübələrinə çevirmək sənətinə sahiblənmişik. ESG müasir dövrün ən qəliz və məlumat yönümlü mövzularından biridir. Lakin bu mövzunun insanlarda əks-səda doğurmasının açarı iştirakçıları bu dünyaya daxil etmək, onlara davamlılığı sadəcə başa düşməkdə deyil, həm də onun aktiv bir hissəsinə çevrilməkdə kömək etməkdir.

DEVELOR-un ESG Təlim Portfeli şirkətlərə Ətraf Mühit, Sosial və İdarəetmə (ESG) prinsiplərini korporativ strategiyalarına inteqrasiya etmək üçün lazım olan alətləri, düşüncə tərzi dəyişikliklərini və təcrübi öyrənmə imkanlarını təqdim edir. Portfeldəki hər bir proqram ESG inteqrasiyasının fərqli aspektlərini əhatə edir; bu isə işçilərin, liderlərin və qərar qəbul edənlərin təşkilat daxilində davamlılıq təşəbbüslərini anlamasını, tətbiq etməsini və irəli aparmasını təmin edir.

DEVELOR-un ESG Təlim Portfelinin Əsas Üstünlükləri

• Kompleks yanaşma: Genişşaxəli ESG Təlim Portfelimiz bizə ESG çərçivəsinin bir çox fərqli aspektlərində effektiv və mənalı dəyişiklik yaratmaq imkanı verir.
• Artan ESG məlumatlılığı və bağlılıq: İşçilər və liderlər davamlılıq çağırışları, hüquqi tənzimləmələr və bunların biznesə təsirləri barədə aydın təsəvvür yaradırlar. Bu isə ESG təşəbbüslərinə qarşı proaktiv yanaşmanı təmin edir.
• Strateji ESG inteqrasiyası: Strukturlaşdırılmış vörkşoplar və simulyasiyalar vasitəsilə təşkilatlar davamlılıq hədəflərini korporativ strategiya ilə uyğunlaşdırmağı öyrənirlər. Beləliklə, ESG-yə uyğunluq sadəcə bir məcburiyyət deyil, dəyər yönümlü bir artım imkanı halına gəlir.
• Davranış və düşüncə tərzinin transformasiyası: DEVELOR sadəcə nəzəri öyrənməyə deyil, uzunmüddətli davranış dəyişikliyinə fokuslanır. Bu, iştirakçıların ESG prinsiplərini daxilən mənimsəməsini və öz vəzifələrində tətbiq etməsini təmin edir.
• Təkmilləşdirilmiş qərar qəbul etmə və liderlik bacarıqları: “CELEMI Sustainability Simulation” (Davamlılıq Simulyasiyası) kimi proqramlar liderlərə real biznes həyatındakı ESG kompromislərini və risklərini təcrübədən keçirməyə imkan verir, onların əsaslandırılmış və strateji davamlılıq qərarları vermək bacarığını artırır.
• Peşəkar və həvəsli ekspertlərin dəstəyi: DEVELOR proqramları təkcə davamlılıq sahəsində dərin biliyə malik olan deyil, həm də bu dəyərləri öz şəxsi və peşəkar həyatlarında yaşadan təcrübəli mütəxəssislər tərəfindən hazırlanır və tədris olunur. Onların sadiqliyi iştirakçılara ilham verir, səmimi və motivasiyaedici bir öyrənmə mühiti yaradır. Real nümunələri paylaşmaq və mürəkkəb ESG çağırışlarında yol göstərməklə bu ekspertlər nəzəriyyə ilə təcrübə arasındakı boşluğu doldurur, iştirakçıların təlimdən real həllər və güclü bir məqsəd hissi ilə ayrılmasını təmin edirlər.
• Daha güclü iş mühiti mədəniyyəti və işçi rifahı: Psixoloji Təhlükəsizlik və Müxtəliflik və İnklüzivlik proqramlarını inteqrasiya etməklə təşkilatlar inklüziv, rəngarəng və sosial məsuliyyətli iş yerləri qururlar ki, bu da birbaşa ESG-nin “S” (Sosial) bəndinə xidmət edir.
• Rəqabət üstünlüyü kimi davamlılıq: ESG prinsiplərini effektiv tətbiq edən bizneslər öz reputasiyalarını gücləndirir, məsuliyyətli investorları cəlb edir və öz fəaliyyətlərini gələcəyin tələblərinə uyğunlaşdıraraq uzunmüddətli dayanıqlılıq və uğur qazanırlar.

DEVELOR-un unikal yanaşması ESG-nin biznes transformasiyasının təbii və strateji bir hissəsinə çevrilməsini təmin edir. Biz təşkilatlara davamlılığı liderliyə, korporativ mədəniyyətə və əməliyyat çərçivələrinə daxil etməyə kömək edirik.

roqramlarımız insanlara ESG-nin “niyə”sini anladır, ardınca isə bu prinsiplərlə yaşamaq, liderlik etmək və onu yaymaq üçün lazımi alətləri verir.

DEVELOR-un ESG Təlim Portfelinin sizə necə kömək edə biləcəyini kəşf edin!