İş və həyat balansı

Bu gün iş və şəxsi həyatın getdikcə daha çox bir-birinə qarışdığı bir dövrdə bu suallara cavab vermək daha da çətinləşir. Arzuladığımız balansı tapmaq üçün yalnız fərqli yanaşma deyil, həm də fərqli üsul və həyat idarəetmə metodları tələb olunur.

Bu təlimin məqsədi iştirakçılara onlar üçün dəyərli və sevinc gətirən “keyfiyyətli zaman”ı tanımaq və tapmaqda dəstək olmaqdır. İştirakçılar iş həyatında da bərpaedici və ilhamverici, hətta “axın” (flow) təcrübəsinə səbəb ola biləcək pozitiv anları necə yarada biləcəklərini öyrənirlər.

Təlimin başlanğıcı cari həyat tərzinin təhlili ilə olur. İştirakçılar öz daxili motivatorlarını dərk edərək həm iş, həm də şəxsi həyatda əhəmiyyətli məqsədlərə necə daha effektiv şəkildə çatmağı öyrənirlər. Təlim çərçivəsində şəxsi maneələr müəyyən olunur, konstruktiv hədəflər qoyulur və neqativ/pozitiv mübarizə strategiyaları nəzərdən keçirilir.

Proqram həmçinin iştirakçılara daha balanslı bir həyat tərzi qurmaq üçün stressin idarə olunması və bərpaedici texnikalar təqdim edir. Təlim uzunmüddətli balansı qorumaq üçün iştirakçıları effektiv yanaşmalar, strategiyalar, praktiki ideyalar, özünüidarə bacarıqlarını artıran vasitələr və stressi azaltmağa kömək edən üsullarla dəstəkləyir.

Təlimin məqsədi

• şəxsi diaqnostikaya əsaslanaraq fərdi inkişaf və həll planı hazırlamaq
• iş və şəxsi həyatdakı vəzifələr arasında sağlam və harmonik balans yaratmaq bacarığına yiyələnmək

Mövzular

• hazırkı həyat tərzimiz, “həyat çarxı”
• fərdi motivasiyaedici amillər və məqsədlər
• şəxsi həyat və işin elementləri – onların daha uyğun sinxronlaşdırılması
• işdə “istirahət dəyəri”ni tanımaq
• “keyfiyyətli zaman” anlayışı – keyfiyyətli həyata şəxsi yol
• işdə və şəxsi həyatda stres mənbələrinin tanınması
• stresi idarə etmək üçün pozitiv strategiyalar və texnikalar
• balanslı şəxsiyyət və fərdi məqsədlər