İşəgötürən brendi

İstedadlar uğrunda mübarizə başa çatdı – qalib istedadlardır, deyə Josh Bersin qeyd edir. Əgər bazarda qalib gəlmək istəyirsinizsə, əvvəlcə iş mühitində qalib gəlməlisiniz. Bu mübarizədə isə sizi təkcə istedadları cəlb edən deyil, eyni zamanda əməkdaşları qoruyub saxlayan güclü bir işəgötürən brendi müşayiət etməlidir.

Əslində hər bir şirkətin İŞƏGÖTÜRƏN BRENDİ  var – hətta onu şüurlu şəkildə formalaşdırmasa belə. Bu, insanların sizi işəgötürən kimi necə qəbul etməsidir. Bu imic ya təkmilləşdirilə, ya da detallı şəkildə yenidən müəyyən edilə bilər.

Bizim yanaşmamızda İŞƏGÖTÜRƏN BRENDİ layihələrinin əsasını EMPLOYEE VALUE PROPOSITION (EVP) – yəni Əməkdaşın Dəyər Təklifi təşkil edir. EVP – təşkilatın əməkdaşdan aldığı bacarıq, təcrübə və potensial qarşılığında təqdim etdiyi dəyərlər və imkanlar toplusudur. Təcrübəmizə əsasən proses ideal halda çətinlik yaşanan və brendinq layihəsi boyunca fokuslanılacaq əsas vəzifə və rolların seçilməsi ilə başlayır. Daha sonra bu rollar üçün ƏMƏKDAŞ PERSONALARI (Employee Personas) yaradılır – yəni ideal namizədlərin demoqrafik göstəriciləri, bacarıqları, düşüncə tərzi, şəxsi məqsədləri, motivasiya və narahatlıqları əsasında formalaşdırılmış xəyali profillər. Yekun olaraq, EVP bu personlarla tam uyğunlaşdırılmalı, onların gözləntilərinə cavab verəcək şəkildə tərtib olunmalıdır. Bu yanaşma həm istedad cəlbini, həm də əməkdaşların bağlılığını gücləndirmək üçün mühüm təməl yaradır.

Nəhayət, çətir brend kimi çıxış edən şirkətin əsas mövqeləndirməsi (Core Positioning) dəqiq şəkildə müəyyənləşdirilməlidir. Əgər söhbət beynəlxalq təşkilatdan gedirsə, qlobal və ya regional işəgötürən brendinin formalaşdırılması bu prosesi tamamlaya bilər.

Biz bu layihələrdə HR, kommunikasiya və marketinq komandaları ilə sıx əməkdaşlıq edirik. Eyni zamanda, yuxarı rəhbərliyin iştirakı uğurun açar faktorudur, çünki layihə komandası tərəfindən yaradılan brend elementlərinin həyata keçirilməsi və davamlı tətbiqində liderlərin rolu həlledicidir.

İşəgötürən Brendi və Əməkdaş Bağlılığı bir-biri ilə sıx bağlıdır. Təkcə xarici imicə fokuslanmaq kifayət deyil – əsl dəyər təklifi ilk növbədə mövcud əməkdaşlar üçün keçərli olmalıdır ki, bu da həm bağlılığı, həm də işdə qalma nisbətini artırır. Bizim yanaşmamız ənənəvi modellərdən fərqlənir. Prosesə yuxarıdan deyil, aşağıdan – Əməkdaş Personalarından başlayırıq və layihəni brendin tam formalaşdırılması ilə yekunlaşdırırıq.

Əməkdaş Personaları ilə başlamaq bizə dəyər təklifini və brendi əməkdaşların real gözləntiləri və ehtiyacları ilə daha yaxşı uyğunlaşdırmağa, həmçinin ümumiləşdirmə və səthi yanaşmalardan qaçmağa imkan verir. Bu da nəticədə daha güclü, inandırıcı və uzunmüddətli işəgötürən brendi yaradır.

İcra prosesi HR və Kommunikasiya komandaları ilə birgə yaradıcı şəkildə və top menecmentin iştirakı ilə həyata keçirilir. Prosesin sürətli, effektiv və əhatəli aparılması üçün bütün zəruri şablon və kanvasları təqdim edirik. Layihələrimiz tərəfdaş şirkət üçün əhəmiyyətli işə qəbul büdcəsinə qənaət etməklə yanaşı, əlavə ölçülə bilən dəyər yaradır.