Müştəri xidməti
Çağrı Mərkəzləri
Pərakəndə satış şəbəkələri və xidmət mərkəzləri
Bütün təşkilatlar daxilində müxtəlif qruplar
layihənin həcminə görə dəyişir - 2-24 ay
DEVELOR müştəri təcrübəsinin insan, təşkilati və proseslə bağlı tərəflərini inkişaf etdirir. Biz insan amilinə – müştərilərlə şəxsi ünsiyyətin emosional təsirinə diqqət yetiririk. DEVELOR-un Beynəlxalq Müştəri Təcrübəsi Araşdırmasına əsasən, korporativ qərarvericilər müsbət və brendə uyğun Müştəri Təcrübəsi təqdim edə bilmədikləri hallarda ümumi gəlirin 21%-ni itirdiklərini bildiriblər. Bu sahədə risklər olduqca yüksəkdir.
Müştəri təcrübəsini yaxşılaşdırmaq üçün ən böyük potensial əməkdaşların bu sahəyə olan bağlılığının artırılması və müştəri təcrübəsinin korporativ mədəniyyətə daha yaxşı inteqrasiyası ilə bağlıdır. Bu mövzu təşkilatın “gündəlik dilinin” bir hissəsinə çevrilmədiyi müddətcə, müştərilərə davamlı və fərqlənən təcrübə təqdim etmək mümkün deyil..
Əksər hallarda satış və müştəri xidməti ilə bağlı proseslər daha çox əməliyyat baxımından sənədləşdirilir. Lakin bu zaman əla və vahid xidmət təqdim etmək üçün vacib olan konkret davranış elementləri adətən nəzərdən qaçırılır. Əgər müvafiq standartlar kifayət qədər detallı şəkildə müəyyən edilməz və praktiki formada öyrədilməzsə, ön xətt əməkdaşları bu tələbləri tam anlamaqda və düzgün tətbiq etməkdə çətinlik çəkirlər
Bazar mübarizəsində qalib gəlmək üçün ilk növbədə iş yerində qalib gəlmək lazımdır. Yalnız motivasiyalı və işinə bağlı əməkdaşlar müştəriləri sizin təbliğatçınıza çevirə bilər. Son araşdırmalar göstərir ki, yüksək əməkdaş bağlılığı müştəri loyallığı və daha sürətli gəlir artımı ilə birbaşa əlaqəlidir.
Müştəriyönümlü yanaşmanın inkişafı biznesin digər sahələrindən təcrid olunmuş şəkildə baş verə bilməz. Bu transformasiya güclü təməllər üzərində qurulmalıdır – bu təməllər isə strategiya və liderlik, insanlar və təşkilati mədəniyyət, məlumatların idarə olunması və texnologiya kimi sahələr tərəfindən formalaşdırılır. Müştəriyönümlü fokus isə gündəlik müştəri təcrübəsinin idarə olunması, ölçülməsi və çevik proseslər vasitəsilə əməli şəkildə həyata keçirilir.
Bütün transformasiya prosesində uyğunlaşma (alignment) vacibdir. Bu o deməkdir ki, təşkilat daxilində atılan hər bir addım müştəri fokuslu olmalıdır. Bu isə yalnız xüsusi bir liderlik modeli (yəni İdarəetmə Modeli) vasitəsilə mümkündür – gündəlik, həftəlik, aylıq və illik fəaliyyət və təşəbbüsləri müəyyən edən və mükəmməl müştəri təcrübəsinə birbaşa təsir edən model.
DEVELOR, CX sahəsində ekspert olaraq, müştərilərinə bütün müştəri yolçuluğu boyunca həm ekspertiza, həm də icra gücü ilə dəstək verir. Biz həlləri müştərilərimizlə birlikdə birgə hazırlayır və insan təması olan bütün nöqtələrdə tətbiq edirik. Eyni zamanda, düzgün düşüncə tərzinə və davranışa sahib insanlarla müştəri təcrübəsinin idarə edilməsini, bütün səviyyələrdə təkmilləşdirilmiş və vahid liderliyi, eləcə də insanla bağlı proseslərin daha effektiv qurulmasını həyata keçirməkdə dəstək oluruq. Ekspertlərimiz EMEA bölgəsində yüksək müştəri məmnuniyyəti və ölçülə bilən biznes KPI artımı ilə müşayiət olunan çoxsaylı CX layihələrinin icrasında geniş təcrübə toplamışdır.
